Un rato pasa alrededor di 11:00 pm a sosode un caso di destruccion den Madiki. Ta trata di un homber agresivo cu pa un motibo of otro a destrui algun pertenencia di su bisiña. Ta trata di un compleho di apartamento na Madiki 99A. Ora polis a presenta ya e homber a bay sconde den su apartamento caba.
“Polis, bon nochi”, asina e agentenan a identifica nan mes ora a bati na e porta di e homber agresivo. Sin mucho buya el a habri e porta y admiti cu el a destrui algun artefacto di su propio bisiña. E señora bisiña ta sospecha cu e homber ta bou influencia di un of otro substancia. A deten’e y transport’e pa warda di polis caminda e tin di bay duna cuenta na un subfiscal di su acto.
