Diasabra marduga alrededor di 2:00 am polis tabata activo riba caya relaciona cu un problema di pareha cu a bay completamente for di man. Un homber no por a acepta cu su pareha no kier tende nada mas di dje y cu tur cos a termina entre nan dos.
E homber a haya ta bon di perisigui e pareha den auto y hasta accidenta contra di dje. E hende muhe no kier a para p’e. A bati alarma mesora na polis. Na altura di Morgenster polis a logra topa e dos autonan aki.
A bay over mesora n’e proceso di detencion. E hende muhe a ked’i entrega un keho oficial tambe contra e homber aki. Den un transport’e policial a hiba e homber pa warda di polis caminda a present’e dilanti un subfiscal.
