Diasabra den oranan tempran Atraco Team a realisa un entrada hudicial den cas na Papaya. A detene sospechoso di inicial J.K di 22 aña. E homber ta sospecha di ta envolvi den caso di atraco cu a sosode riba 31 di Maart di e aña aki. Durante listramento autoridad a bin haya algo similar na un arma di candela, ademas a haya dos persona indocumenta. Polis a pidi presencia di Guarda Nos Costa pa atende cu e dos ilegal. Ta pidi ayudo di comunidad cu si por a tende of mira algo sospechoso pa yama tipline anonimo 111-41.
E Atraco
Tabata fin di luna di Maart ora un hoben canando den Middenweg a bira victima di atraco. E hoben a declara na Polis cu na altura di Big Bazaar un Toyota Tercel color blauw a para banda di dje, dos homber a baha saca arma di candela y menasa a cay. Un di e hombernan a ranca telefon di e hoben (Samsung J7) hunto cu su ID. A dal e hoben victima di atraco un wanta y e dos hombernan a subi auto baha na awa.
