Ta practicamente tur fin di siman Aruba a cuminsa conoce un caso di Hit & Run, caminda automobilista ta accidenta y ta dicidi di bandona e sitio mesora enbes di responsabilisa nan mes. Diasabra pasa di 1:00am, polis a haya nan mes ta bay atende cu un caso di hit & run Kammerling Onnestraat.
Akinan a trata di un Ford Explorer cu a dal den un cura di cas y sigui bay. Sigun e testigo, ta describi cu e pick-up aki a dal den e cura di cas y casi a dal den e meneer su auto tambe.
Pero pa su mala suerte, polis a topa cu e automobilista y pon’e supla. A resulta cu e persona tabata bao influencia di alcohol, dus a bay over na su detencion y transport’e pa warda di polis.
