Diasabra mainta a sosode un accidente riba e caminda di Noord direccion Westpunt. Na altura di Yen Yen a sosode otro accidente. Un hoben cu un pickup a descuida na stuur y a dal tras di un Sedan shinishi.
E Sedan a dal tras di un Kia y djey bay dal tras di un Nissan Sentra. Diferente persona a keda levemente herida pero no mester a bay hospital. Na e sitio e paramediconan a atende cu cada uno. Daño material tabata bisto na e dos prome autonan cu a impacta.
Departamento di trafico a investiga e accidente y atende cu cada chauffeur. Djey e representante di seguro tambe a yega. Tin dos auto cu mester a move for di e sitio cu takelwagen. E sitio di accidente ta mesun caminda cu e sosode e accidente fatal siman pasa.
