Recientemente a anuncia parlamentario Hendrik Tevreden (MEP) como e lider nobo di Fraccion MEP, despues cu lider anterior parlamentario Shailiny Tromp-Lee (MEP) a tuma su retiro pa motibonan personal y familiar.
Por a nota cu prome cu sra. Tromp-Lee, tabata sr. Tevreden kende tabata tin e puesto di lider di fraccion. Parlamentario Tromp-Lee tabata tin e puesto pa dos aña como lider di fraccion.
A puntra sr. Tevreden si esaki ta un cuestion cu por spera un tipo di ‘stoelendans’ aworaki pa loke ta e posicion di lider di Fraccion di MEP entre e candidatonan aki.
“No, sigur cu no. Mi ta kere esey no ta e caso mes. Di aworaki pa dilanti si tur cos ta bon, Dios mediante nos lo por keda pa e proximo añanan cu ta bin,” e Parlamentario ta bisa.
E parlamentario ta subraya cu normalmente e posicion di lider di fraccion pa partido MEP ta uno fiho, sin embargo den e caso aki no por a haci otro y mester coopera pa cos sigui cana.
Lesa mas den siguiente edicion di TREMPAN.
