Cu basta urgencia a mobilisa tanto polis, brandweer como ambulance direccion Joe Laveist Sport Park pa un accidente basta fuerte cu a tuma luga ey dilanti. Entre esunnan cu a resulta herida, tabatin un persona pega den auto.
Esaki a tuma luga den careda di 9:00 am entre un Kia Rio preto y un MG blanco. Tres persona a resulta herida, ambos vehiculo cu hopi daño material y den un di nan un persona tabata pega aden.
Brandweer a presenta pa asina libera e victima, cu tabata pega den e auto blanco. Mientrastanto un prome ambulance a transporta e otro victimanan direccion ImSan.
Investigacion di trafico lo determina kico exactamente a conduci na e accidente aki.
