Antropologo, dr. Jean Mitchell ta Hefe na UNESCO su Island Studies & Sustainability, for di Universidad di Prince Edward Island, tabata presente n’e conferencia recien organisa na Universidad di Aruba tocante cambio di clima y social, naturalesa y medio ambiente. E antropologo ta enfatisa cu ciencia mester cuminsa bay man den man cu e conocemento indigena, di esnan local cu ta compronde e ciclo di naturalesa y tempo, a yega ora pa nan cuminsa papia cu otro den dialogo cu profesornan y academiconan studiando cambio di clima.
dr. Mitchell ta conta cu e ta bini for di un isla chikito di Canada unda cu nan ta comparti horcan, manera Dorian, Fiona cu a bini for di Puerto Rico, haciendo e islanan mas relata na otro pa motibo di e ciclonnan cu ta pasando ultimamente.
dr. Mitchell a traha riba e islanan Pacifico zuid pa mas di dos decada y esaki ta su prome bishita den Caribe. “Mi ta siñando hopi tocante e Caribe y su retonan, cual ta mescos cu di nos. Cambio di clima tin un efecto devastador den bida diario di hende.”
