Diasabra despues di 10:00 pm polis a bay cu urgencia na Madiki p’un caso di maltrato. Un persona a resulta seriamente herida durante e pelea.
Na Madiki tabatin un pelea di dos persona y boter tabata envolvi. Pa un motibo of otro e pelea a cuminsa y cos a bay fo’i man unda a cuminsa tira boter. Durante tiramento di boter un ser masculino a resulta herida.
Na sitio polis a detene un hende muhe y a transport’e pa warda di polis. Tambe a detene e homber, pero a pidi asistencia di ambulance pa hiba e homber hospital pa ricibi asistencia medico. Despues di ricibi asistencia medico, a transporta e homber tambe pa warda di polis.
