Diadomingo anochi laat alrededor di 11:45 pm polis a presenta cu urgencia den Palisiaweg p’un pelea formal. Aki ta caminda tabatin un helengue completo, pelea y tiramento di boter pa loco. En fin, un boter a alcansa un persona tra’i cabes. Cu consecuencia a kap e persona cu un herida basta profundo.
Polis a presenta na sitio, a tuma nota basta sanger y un bululu completo. Ambulance a transporta e victima pa ImSan pa ricibi atencion medico avansa.
![](https://24ora.com/wp-content/uploads/2023/12/IMG_4097-1920x1080.jpg)
![](https://24ora.com/wp-content/uploads/2023/12/IMG_4115-1920x1080.jpg)
Personal di e ekipo forensico di polis tambe a presenta p’asina documenta e caso p’asina contribui n’e proceso investigativo.