Heineken Americas Export, ta hopi emociona y tristo pa e tragedia causa pa Horcannan Irma y Maria. Mientras cu nan ta contento toch cu nan coleganan y e miembronan di e team di distribuidor ta safe, e populacion di e islanan impacta awor aki ta den un mester urgente di necesidadnan basico, y e infrastructura ta severamente daña. Heineken ta concentrando su esfuersonan den e area caminda cu nan por haci un diferencia.
Sosten di emergencia: Cu ayudo di Windward & Leeward Brewery Ltd., OpCo di Heineken riba e isla di St. Lucia, a manda mas di 100 mil liter di awa pa Sint Maarten, pa e wordo suministra localmente atrabes di e ehercito Hulandes y Cruz Cora Internacional. Den asociacion cu e Gobierno di St. Lucia, WLBL tambe a suministra riba 50 mil liter di awa pa Antigua y Barbuda y lo manda un adicional 50 mil liter di awa pa Dominica.
Reconstruccion: sin coriente ta imposibel pa cuminsa cu e esfuersonan di reconstruccion y pa sostene bida dia pa dia. Hunto ci Diageo, Heineken lo manda 400 generator pa Puerto Rico, Barbuda, St. Maartin, Dominica y British Virgin Islands. Unda cu ta posibel, Heineken tambe lo sostene su distribuidornan cu solucionnan di abastecimento y logistica pa sigura e continuidad comercial.
Hende: nan lo traha hunto cu nan distribuidornan pa sostene e miembronan di e team cu a perde nan cas y pertenencianan. Varios di e operacionnan di e brewery den Caribe tambe ta organisando donacionnan di articulonan non-perishable for di nan propio empleadonan. Adicionalmente, nan lo dirici e ganashi for di e eventonan patrocina pa Heineken den Caribe, pa varios organisacion di caridad local.
E lo ta un caminda largo pa bay bek pa normalidad, pero e hendenan extra ordinario di Caribe ta famoso pa nan resistencia y resolvencia. Heineken tin decadanan largo di conexion cu e islanan impacta y ta spera cu nan esfuersonan por yuda nan recupera mas pronto posibel.
