Tin biaha ta tende cu e hendenan a bay traha algun dia y despues nan no a bin mas, of nan no a fit den loke a spera di nan. DPL ta full na altura di esey y a trek’e tambe, pasobra una bes cu a manda bay e trabao, b’a kita, ta bin bek na DPL y a informa di e situacion eynan segun e directora Mireille Meeuwissen.
E ora ta wak kico tur ta hunga un factor. No ta un solo cos ta e factor. E ora tin cu bay traha riba dje den su totalidad. Un di e factornan hopi dificil ta e orario. Tin hende tambe ta bisa cu e trabao ta hopi pisa, manera housekeeping y otro trabaonan cu bo tin cu uza bo curpa fisicamente pa lanta cosnan. Ta trabaonan cu bo ta tende cu despues di hende ta cuminsa keha di brasa, di schouder. Bo tin cu bay wak tur esey. Eynan tambe ta haya cosnan manera un ARBO Wetgeving cu Hulanda tin y cu nos no tin ainda. Ta haya hopi falta di dje den e sentido cu e ora un hende asina, si tin un inspector, e por bay wak e condicionnan di trabao, pa bisa cu e hende por traha tando ora mirando e tipo di trabao y no mas cu esey. Manera panaderianan. E panaderia ta mucho cayente, no sa esey. E temperatura caminda cu ta traha e pan, mester sa kico ta e temperatura cu eigenlijk ta ok pa un hende traha asina, sin cu e afecta su salud. Tin hopi cos ta hunga un rol cu ta bezig hunto cu Gobierno pa investiga y bin cu solucion.
No ta dificil pa haya tur hende na pia di trabao, pero e ta un combinacion di situacion. No solamente cu e trabao ta duro, no solamente shift, e ta tambe e condicionnan di trabao, segun Meeuwissen. E ta un pakete total cu bo mester investiga bon pa por bisa cu esaki ta e situacion y ta solucion’e asina. No ta un solucion simpel y di un dia.
Mara na pago
Tin biaha ta bisa cu ta bin stranhero, nan ta drenta mercado y ta traha pa kico cu ta. Y nos Arubianonan no kier haci’e pasobra e salario ta bay etc. Esey ta e situacion cu ta tende en general. Si ta asina 100%, lo tin cu haci un investigacion. Ta caminda cu tin e afdeling di Directie Arbeid di investigacion. Tin cu investiga e mercado laboral pa mira si en berdad esey ta e situacion cu ta hunga un rol. No solamente esey por ta e rason. Tin hopi mas motibo. Si na Aruba no tin manera Hulanda cu e salario ta mara na un tipo di trabao. Tin e salario minimo, cu tambe a haci e propuesta na e Minister cu tin cu pensa den e direccion cu cierto funcionnan ta maranan na cierto pago. Esey tambe lo por yuda hopi den e situacion aki, segun Meeuwissen.
