Diahuebs merdia, den careda di 12:30 pm, a sosode un accident na Shiribana 3B. Esaki a pasa momento cu un homber manehando un Chevrolet Aveo a haya un blackout, consecuentemente el a baha caminda y bay dal den cura di cas.
E auto a haya basta daño material y a kibra e cura un tiki. Den e auto tabatin 4 ocupante, di cual un di nan tabata un ser femenino di 80 aña. Di biaha a pidi asistencia di ambulance, pasobra e pasahero no tabata sinti su mes bon.
Na yegada di ambulance, di biaha e paramediconan a cuminsa controla e pasahero femenino di 80 aña y despues di a stabilis’e, a pon’e den ambulance y hib’e hospital. Un di dos ambulance a presenta y aki e paramediconan a cuminsa controla tur esunnan herida. Un otro pasahero femenino a haya un kap chikito na su cabes. Mientras e paramediconan tabata controla e homber, polis tabata papia cu ne.
