Diasabra, 10:00 di anochi a drenta y parce tin hende cu sea no sa cu tin Toque de Queda of no tin holoshi. Dos detencion casi mesun momento. Un homber biba den e area di Madiki a mira lus blauw di polis y despues di 10:00 a core sali bay wak kico a pasa. E momento ey tabata tin 10:45. E no tabata sa mes cu tin TdQ na Aruba. Tur loke el a bisa cu e tin placa den su saco pa paga. Tambe e mes a confirma cu el a sali di su cas mas pabou pa bin mira kico a pasa. Asina a deten’e y hib’e warda den transporte. Un rato despues, polis controlando banda di costa a topa un homber banda di Surfside.
A atende cu ne mesora. E no por a duna polis un motibo valido di su presencia riba caya. Tambe a detene mesora. Polis a baha e prome detencion na warda y sali mesora pa busca esun na Surfside. Riba e foto por mira ambos sospechoso di e prome dos casonan di TdQ diadomingo marduga.
