Pa algun tempo caba habitantenan di Tarabana ta fada di e molester constant di un grupo cu ta move riba brommer y bicicleta den e bario. Mayoria ta hobennan di edad relativamente jong.
Ora cu mas habitantenan kier trankilidad, e grupo aki ta molestia cu nan brommer of cu bicicleta riba caya. E scooter y quadracernan ta keda draai rond den e cayanan y stroba e trankilidad.
Esaki ta pasando pa varios luna caba y diferente keho e bisiñanan a manda pa autoridad. Na dado momento nan a medio perde speranza riba e yudanza di autoridad.
Hasta pa alto mando e mensahe publico a bay via prensa. Finalmente nan a mira cu autoridad a duna oido. Diasabra Polisnan a yega na cantidad den e area unda e grupo sa frecuenta, esta Mandolinstraat.
Den un rato a cuminsa cu e control y confisca bicicleta y scooter. Dimes esnan cu tabata causa molester no a gusta y kier a rezona nan voz.
Asina mes Polisnan a bay prepara pa nan tur. E mensahe a bay cu e accion aki cu no ta tolera nada mas. E molester den tur e cayanan di Tarabana mester stop.
Of ta confisca e vehiculonan y asina tur hende cu ta molestia ta keda na pia.