Awe marduga pa mas o menos 12:30am a spacha varios unidad di Polis pa Pos Chikito, pasobra bisiñanan a yama bisa cu nan a scucha varios tiro di un arma di candela. E yamadanan tras di otro a legitima e melding. Asina mes no a topa cu ningun hende sospechoso ni a topa cu huls riba caminda.
Polisnan a busca den henter e area, tambe pa mira si lo topa cu mas bisiña confirmando cu nan tambe a scucha e tironan. A bay te den e bario di Sabana Basora pa mira si tur cos tabata OK y no a topa nada particular.
Cu presencia di Polis a nota cu e bario a bira masha keto y habitantenan a bay drumi mesora den nan cas. Mester bisa cu a base regular bisiñanan ta yama Polis pa tipo di situacionnan asina. Ta rekeri mas patruyahe di Polis den e barionan menciona, pa garantisa siguridad di tur habitante.
