Parlamentario di Corsou, Gwendell Mercelina, tambe tabata na Hulanda p’e reunion di IPKO. Aki el a trece dilanti un mocion cu e ta kere ta bon pa Corsou. E Parlamentario di Partido Nashonal di Pueblo (PNP)), a splica cu pa prome bes den historia di State General y den cuadro di nan Statuut cu tin un miembro di e paisnan Caribense a entrega mocion den tratamento di e Tratado di Malta. Pero tambe riba e belastingregeling di Hulanda y Corsou.
Mercelina a entrega e mocion aki p’asina proteha y percura pa salvaguardia e interesnan di autonomia fiscal, cu ta un asunto nacional di Corsou, e forma con nan ta atende cu tratado den Reino.
El a duna e ehempel cu Corsou tin un Tratado firma cu Malta na aña 2015, pero nunca a ratifica esaki. Den e proceso di Statuut di Corsou ta bisa, segun e Parlamentario, cu e caminda cu mester cana ta e proceso di wetgeving y un tratado ta cay bou cuadra di un Rijkswet, manera un ley di reino. E ratificacion final tin di tuma luga den e State General, cu ta Tweede Kamer y despues Eerste Kamer.
Den caso di Corsou, por mira cu e tratado ta sumamente esencial den fortificacion di e lasonan fiscal, economico y esey ta yuda pa trece inversionista. Tambe ta yuda pa yega na tratado cu otro pais cu ta yega n’e fairplaying field. Incluso yuda activa pa haya industria nobo den e pais den cuadro economico. Pa Corsou ta sumamente importante despues cu nan a bira un pais autonomo di Reino, cu e pilarnan economico ta afecta door di e situacion na Venezuela. Tur esey ta cos cu nan ta bezig cu ne pa por fortifica nan economia cu tabata hopi diversifica.
Desde 2015 a negocia cu Malta y desde e tempo ey ta habri porta pa nan. Despues di Malta nan tin San Marino y na juli ta firma cu Surnam. Awo cu tin un team di experto local, cual task force di Corsou ta dirigi pa doctor Request, ta haci e trabounan necesario pa firma tratado nobo cu diferente pais.
IPKO
E Parlamentario a expresa di ta contento di por a scucha e otro banda y e forsa cu nan tin den statuut. Aki por mira e otro banda di importancia cu statuut ta duna Corsou y posiblemente nan no a dun’e hopi balor durante e temponan.
E ta kere e trabounan di e ultimo Ombudsman haci na Hulanda, e trabou cu Reinier van Zutphen a haci pa korpszorg y studiante di Caribe. A pone atencion, unda cu hende a realisa cu tin cierto discrepancia pero cu no por papia di deficit democratico.
