Awe mainta Guarda nos Costa a efectua un control na Adental Laboratorio, situa na Boegoeroei, na Noord. Ey a topa 2 empleada trahando sin permiso como tandtechnicus. E dos damanan ta di inicial D. V-R y M.J. P-M. naci na Colombia.
Guarda nos Costa a regla mesora pa deporta ambos empleada pa nan pais natal. Ningun di dos ta den posecion di un permiso legal di estadia y/of di trabou. Diahuebs caba e prome ta sali pa Colombia, mientras cu DIMAS ta procesando e di dos empleada pa yega na un fecha pa su deportacion for di Aruba.
Di acuerdo cu e maneho adapta, Guarda nos Costa a duna e compania un multa pasobra e tabatin trahadonan den servicio cu no ta legal y no tin un permiso valido di trabou, otorga door di Departamento di Labor y DIMAS.
