Ata otro luna a yega cu Grupo San Hudas Tadeo Peregrino no ta resa cas pa cas ainda, pa motibo di e situacion cu ta reinando. A dicidi esaki for di comienso di aña 2021 pa motibo di e pandemia e grupo no lo bay resa cas pa cas di un devoto ainda den e aña 2021 aki, te un proximo aviso.
Pero e oracion di tur luna di San Hudas Tadeo, lo sigui si y lo ta awor e luna aki di mei 2021 na cas di un devoto riba dia 28 di mei 2021. Esaki lo ta na cas di famia Thiel, Santa Cruz 11, dilanti di Napa Santa Cruz tin un caminda, drenta aden y e cas ta keda un tiki na halto na man robes.
Famia Thiel lo resa den union cu su famia of cu otro invitadonan cu e famia mes lo ta desea pa invita, teniendo si na cuenta cu e cantidad di persona cu por ta presente, segun e protocol di DVG y e distancia social y e uzo di tapaboca. Lo resa un triduo cuminsando diabierna 28 di mei 2021, y riba diasabra 29 y diadomingo 30 di mei (3 dia) y riba e di 4 dia (esta dialuna 31 di mei) ta pidi pa asisti na un santo sacrificio di misa na cualkier parokia of por sigui un santo sacrificio di misa via television, Internet, Youtube of Facebook – cu e compostura (lanta y sinta) cu ta sigui durante un celebracion di Misa normal na un Parokia. Esaki ta pa gradici San Hudas Tadeo pa e gracia cu a ricibi y tambe pa e gracia no ricibi ainda. Ta pidi un misa pa gradici San Hudas Tadeo y pa cierto intencionnan, na Parokia di Santa Ana na Noord pa 6:30 di atardi.
E devotonan y e miembronan cu ta afilia na e grupo, lo resa na nan cas, e oracionnan di Triduo na honor di San Hudas Tadeo pa e 3 dianan di e luna ya menciona y lo haci despues mescos referente gradicimento ya previamente menciona.
Asina e grupo di oracion lo sigui door cu mayoria ta di risico halto, pero sperando cu nan a tuma nan 2 vacunanan caba y por yega na un solucion pronto con ta sigui cu e oracion cas pa cas sin ningun problema).
Tin caba e schedule pa luna di Juni 2021, cu e oracion lo ta teni na cas di famia Mathilda Betonicastraat 37 A, Pos Chikito. Si tin cualkier devoto cu lo desea pa ricibi e imagen peregrino di San Hudas Tadeo na nan cas por yama libremente Myriam Vrolijk na telefon number 594 1829 of Ida Croes na telefon number 594 4144. Cu mucho gusto nan lo por duna mas informacion.
