Diahuebs mainta pa mas o menos 9:55 am, algun chauffeur riba caminda a tuma nota di un Toyota Vitz blanco numera A-24357 cu tabata core malo riba caminda, ta keda cera otro auto riba caminda como tambe manda e auto riba otro auto. A notifica autoridad mesora, señalando cu lo tabatin un grupo di hoben den e auto. A informa dibiaha riba colo, marca como tambe number di e auto. Unabes polis di bario a localisa e vehiculo, a duna señal mesora pa para y a bloki’e pa e no purba huy.
Sinembargo, ora cu e agentenan a acerca e auto, a haya un holo fuerte di marihuana. Mesora a baha tur hende for di auto y a detene tur cinco persona den e auto. Tabata trata aki di cuater hoben femenino como tambe un hoben masculino, kende tabata tras di stuur, tur cu uniform di scol bisti.
