Den caya di San Nicolas a tuma un caso di agresion. Esaki a pasa den careda di 10:00 pm. Di biaha a pidi asistencia policial.
Polis a presenta na e sitio y aki a topa cu un homber benta na suela. Banda di dje tabata para su mama y e tabata pidi yudansa pa su yiu. Den proceso di investigacion, polis a bin compronde c’un grupo di hoben a atac’e na su cara. E grupo a bandona e sitio y a laga e homber cu basta herida.
Mientras cu polis tabata tuma dato di loke a pasa, ambulance a presenta na e sitio. Aki e paramediconan a atend’e y despues a hib’e pa e haya atencion medico avansa. E personanan den area a confirma na polis cu den e oranan di atardi e homber aki tabata bebe den Fan bar.
