Awe a tuma luga e “HIAS Gender-Based Violence Diagnosis Launch and Panel Discussion”. HIAS te e organisacion cu ta asisti Nacionnan Uni aki na Aruba den cuadro di refugiadonan. Nan a presenta un estudio cu nan a haci riba e tema di violencia basa riba genero.
Na aña 2022 e comite cu miembronan representando sector gubernamental, sector no-gubernamental y academia, a adopta e prome National Gender Policy pa Aruba. UNWOMEN a forma parti fundamental den desaroyo di e maneho y hunto ku UNFPA y otro organisacionnan di Nacionnan Uni, Cedehm ta trahando pa reforsa e ‘National Gender Machinery’ y impulsa e agenda di igualdad di genero. E National Gender Policy ta ricibi apoyo completo di Gobierno di Aruba, organisacionnan di hende muhe y stakeholers importante den e area social.
Manera ta e caso na tur parti di mundo incluyendo Aruba, GBV ta afecta tur hende, tur genero, hobennan y nos grandinan, local y migrante, sin importa nan status legal. Sinembargo, e ta afecta hende muhe mas hopi. Ademas, siendo indocumenta, specialmente hende muhe y mucha muhe, por trece un otro capa di complexidad den un situacion dificil.
Den cuadro di compromiso di Gobierno di Aruba pa no laga ningun hende atras y pa cumpli cu varios tratado, incluyendo e derecho di mucha, tur mucha indocumenta ta permiti drenta den nos sistema di educacion na Aruba. Asina nan ta participa automaticamente den e programa nacional di vacunacion di hubentud cu ta sigura cu nan ta cumpli cu necesidadnan di educacion y salud.
