Lider di Fraccion Accion21 a repasa riba COHO y Raft cu a yega parlamento diabierna ultimo. Aki el a comparti su preocupacion cu den e Raft ta duidelijk e pasonan cual Gobierno di Aruba mester tuma.
Miguel Mansur, lider dje fraccion, a indica cu e pasonan ta delinea specialmente recorte cu mester bin, den gasto di personal y tur tipo di otro cos. E parlamentario a trece su preocupacion dilanti cu nada di esey ta refleha den presupuesto 2022.
Ta mira un tendencia banda di e gobierno aki pa purba schuif tur e reformanan p’e proximo gobierno realmente y asina “nos ta cay den mas problema”.
E aña aki Aruba tin un deficit di 300 miyon florin y otro aña mester tin un Sur+ di 60 miyon. Con den un presupuesto di 300 miyon negativo ta bay pa bay un Sur+ di 360 miyon. Tambe den e Raft tin di bay compensa den futuro e deficit dje aña aki. Realmente a firma un acuerdo, cual Raft ta firma desde september, pero loke e parlamentario kier mira ta un gobierno cu ta cumpli.
Pa mas lesa TREMPAN.COM.