Awe mainta trempan pa 6:00 am, Su Excelencia Gobernador di Aruba, drs. Alfonso Boekhoudt, compaña pa dos yiu homber, a bay cana den Parke Nacional Arikok. El a scoge e ranger pensiona Salvador Franken, pa compañ’e. Gobernador a can pa sigur dos ora largo, admirando un bunita salida di solo.
Gobernaror Boekhoudt a cana desde e Visitor Center te na Miralamar, banda di e tres benanan di oro. E ranger a keda impresiona cu e maximo mandatario di Aruba conoce hopi historia di parke, di mata, si bos flora y fauna, di bestianan eyden y sin lubida di e nomber di e bocanan eyden.
Alfonso Boekhoudt a bira Gobernador di Aruba desde 1 di januari 2017 y su termino a caba na fin di 2022. Pero Gabinete Wever-Croes II a prolonga su nombracion te cu 1 di januari 2029, esta seis aña mas. Cu excepcion di defunto Felepito Tromp, tur gobernador di Aruba a sirbi durante dos termino, esta 12 aña.
