Diadomingo, 18 di December, lo tuma luga un grandioso Give Back Bingo, caminda lo tin 10 premio di AFL 10,000, un total di 100 mil Florin na premio! Cu compra di cada carchi, un donacion substancial lo ser haci na nos di Kiwanis Club of Young Professionals Aruba.
Kiwanis Club of Young Professionals Aruba (KYPA) ta gradici e organisacion di Bingo Aruba pa nan contribucion di yuda nos club. Cu ayudo di individual- y organisacionnan ta hacie posibel pa sigui yuda comunidad di Aruba, specialmente nos hobennan.
Kiwanis International ta enfoca riba yuda muchanan den comunidad, y localmente KYPA ta contento di por continua e trabounan aki a traves di varios proyecto, manera Christmas in a Box, Big Brother Big Sister, K1 Day, Back to School, Placa Chikito, y tambe via otro actividadnan comunitario combina manera Aruba Doet.
Invitacion ta bay na tur persona interesa pa contribui, of simplemente hunga den un ambiente familiar dushi, pa tuma contacto via telefon na 561-7912, of tuma contacto cu cualkier miembro di KYPA, of por cumpra carchi na e sucursalnan conoci.
