Tin cierto prohibicion di cierto piscanan cu a bira un discusion basta grandi. Ultimo temporada e piscadonan, a sinti cu nan a wordo prohibi pa gara cierto tipo di pisca. Gisbert Boekhoudt ta director di Directie Natuur en Milieu y e ta conta cu den e Natuur Beschermingsverordening a wordo estableci na 1995, ora cu e ley a bin na vigor, ta mustra cu tin un facilidad cu e sorto di bestia y mata, por wordo protehi. E mesun temporada tambe un proposicion a wordo traha.
Mientras tanto tabata tin un proposicion caba riba cierto especie di coral riba nan mes, turtuga, strea di lama, e calco esey ta desde 1980.
Un di e bestianan cu e piscadonan tin un problema cun’e cu ta riba e lista, ta e kreeft. E kreeft tabata protehi caba a base di articulo 13 di e Natuur Beschermingsverordening for di inicio, esta for di 1995. Diferente especie cu ta riba e lista awor aki ta un formalisacion di esunnan cu tabata protehi caba y e ta mas cla. Esun cu ta cay bao di articlo 13 ta verwijs na un protocol y e tratado di Cites, den e anexo di nan.
Esunnan cu ta den e anexo ta wordo protehi pa medio di nos ley di natuurveschermingsverordening. Pa medio di e lista di flora y fauna, nan tin un prohibicion caba, pero e flora no tabata tin. Loke ta nobo ta e flora cu a haya un prohibicion cu no tabata tin antes, aunke cu nan ta aparece den e protocol of e bijlagenan di Cites. Pero e piscadonan no tin un reclamo of un obhecion contra dje.
Den pasado e autoridadnan cu a wordo envolvi ta e autoridadnan di Veterinaire Dienst, y Directie LVV, cu e departamento di visserij. Nan tabata envolvi, nan skirbi, nan a wordo scucha y despues tambe a wordo puntra pa bin cu mas argumento pakico cierto especienan a wordo opgenomen. A hay’e for di tanto Veterinaire Dienst como di Santa Rosa.
Na 2014 y 2015 tabata tin stakeholdersmeeting, unda cu tanto e habitat como sortonan a wordo discuti y na unda Santa Rosa tambe tabata envolvi, invita, pa participa y nan a participa tambe. Tin cierto cosnan cu pa e departamento ta keda straño cu e ponencianan cu nan a bisa cu nan no tabata envolvi.
Kico mas lo sosode
Natuurbeschermingsverordening, ta un ley pa proteha bestia y mata. E departamento di Directie Anatuur en Milieu ta departamento pa percura pa e proteccion, maneho y conseho riba proteccion di naturalesa y medio ambiente. E departamento di pesca nan mes tin un responsabilidad pa bin cu maneho riba pesca. Riba calco nunca tabata tin algo despues di e ley di marine milieu verordening, caminda cu calco a wordo protehi y e kreeft di 1995. Awor aki cu e ley aki a bin, e ora diripiente, despues di 22 aña, ta bisa cu el a wordo protehi. Ta e departamento di pesca ta esun cu ta bin cu un maneho di pesca y Directie natuur en milieu, na diferente occasion a bisa nan y ta dispuesto pa yuda e departamento di pesca, pa bin cu un maneho. Na Hulandes e primaat, esun prome responsabel como departamento ta e departamento di pesca mes. Depende ki direccion e maneho wordo duna, of yena, bo ta dependiente riba instruccion di minister. Minister cu ta responsabel riba e departamento di agricultura, cria y pesca, e ta esun cu ta duna e direccion y for di eynan ta sigui. E ora mescos cu ora ta draft nan maneho y a traha riba e ley, nan ta stakehold, ora cu nan traha un proposicion, e Departamento en cuestion ta stakeholder, segun Boekhoudt.
