Gino Frans a cumpli 22 aña liber di droga, cual ta algo hopi grandi. Mirando cuanto problema tin na Aruba, den e hogarnan distrui, muchanan cu ta riba caya, adictonan grandi riba caya cu no tin ayudo pa nan y no tin solucion.
Frans a haya hopi importante pa conta pa prome biaha den aire liber pa full Aruba scucha. E ta invita henter e pueblo di Aruba, tur hende cu tin problema cu droga of famianan cu kier scucha, cu si por, tin cambio. Frans kier conta dia 30 y 31 di Januari, cu por.
Hopi hende ta man na cabes. Nan ta busca ayudo y no tin. Hopi biaha luganan ta laga hopi di desea. Frans kier conta cu si por. Un hende cu kier cambia, por cambia. Den e caso aki a haci’e cu e caminda di Señor.
Pesey ta yama e dos dianan aki cu “Dios si Por”. Tin hopi manera pa busca ayudo. Ta sigura e pueblo di Aruba cu Dios bo ta logra sigur.
Na unda y ki ora
Tur hende ta bon bini. Tin famianan cu kier scucha. Tin hende cu por ta no ta den adiccion, peo tin un famia cu si ta aden. Por ta por siña algo, por tende algo cu por ta bo no tabata sa. Lo bay tin un mensahe pa e adicto y tambe pa e ex-adicto, pa e lider cu ta trahando cu adicto, pa tata, pa mama, tur bin scucha.
E ta bay ta dia 30 y 31 di Januari, for di 7’or pa 10’or di anochi, dilanti di Centro Deportivo Betico Croes na Santa Cruz.
E evento
Lo bay tin un splicacion, tambe testimonionan grandi di hendenan cu a cambia, manera Marlon Istatia. Tambe tin Randy Isenia, kende tambe a cambia totalmente. Ta bay tin hende cu por. Hendenan cu tabata adicto, cu tabata riba caya. Despues di e testimonionan, lo bay tin splicacion con pa ingresa, preguntanan por bin. Bini uno, bini tur. Bin pa bo puntra y bo ta haya bo contesta.