Awe un biaha mas gerencia di Arubus y Sindicato di Empleadonan Publico y Priva di Aruba (SEPPA) a sinta na mesa cu mediador pa trata e topico di aumento. E negociacion a cuminsa desde dialuna caba. Na final ambos partido ainda no por yega na otro p’un solucion.
Eddy Mohamed, director di Arubus, a splica cu pa basta tempo nan ta den discusion caba. E reunion tabata uno basta largo, unda a delibera riba diferente punto, diferente scenario. Nan a yega asina leu di a bay den calculacion con ta bay compensa e trahadonan pa un aumento. Pero na final di dia, e resultado mester ta hiba na Minister di Transporte, pasobra Arubus no tin e fondo. Eynan ambos partido ta riba mesun linea.
Sindicato mes a sinta cu Minister cu e intencion di purba haya placa pa Arubus. Incluso e sindicato a sinta na mesa cu Minister y Raad di Arubus pa un solucion, pero no a logra esey. Gerencia ta bek na mesa cu SEPPA. E encuentro a bay den bon ambiente, y tabatin diferente scenario cu nan a discuti sanamente.
Tin un propocion cu mediador ta bay redacta, unda e ta bay manda dos partido cu probablemente awe tardi ainda ta reuni cu Minister. Ta haci esey pa mira si ta yega. Na final di dia si no tin e florin ey, Arubus no por dun’e.
Pa mas lesa TREMPAN.COM.
