Ministerio di Asuntonan Economico, Comunicacion, Desaroyo Sostenibel, den colaboracion cu AWS (Amazon Web Services) y Digital Natives of Aruba, lo tin un Motivational Session presenta pa AWS pa e muchanan entre diesdos y diesnuebe aña. E sesion aki lo tuma luga na The HUB na San Nicolas pa esunnan cu ta participa na e cursonan di “coding”.
Fundacion Digital Natives of Aruba ta un colectivo di e Arubianonan digital y innovativo cu ta traha hunto pa trece balor pa Aruba. E fundacion ta haci investigacion y desaroya solucion digital innovativo cu tin e capacidad pa trece balor economico pa Aruba, na banda di ta ofrece les di “coding” pa mucha y hoben.
E mision comparti ta pa planta e simia di transformacion digital, caminda ta adapta na e ambiente actual di Aruba y cu no ta laga ningun Arubiano atras den termino di conocemento digital. Transformacion digital lo transforma den un forma di “disrupcion digital”, caminda cierto trabou ta stop di existi y ta crea e otronan. Ta importante pa tin educacion colaborativo y inclusivo p’e temanan digital y enfoca riba desaroyo di habilidad manera resolvimento di problema (problem solving).
Mayoria di e muchanan asistiendo na e workshop lo ta for di San Nicolas mes. Pakico tin un workshop di tecnologia na San Nicolas? Ta pa inspira e muchanan den mundo di tecnologia y desaroya e idea di haci San Nicolas un Ciudad Tecnologico.
![](https://24ora.com/wp-content/uploads/2023/01/20230126-GBW-Meeting-Daniel-Bedolla-7-1920x1278.jpg)
![](https://24ora.com/wp-content/uploads/2023/01/NW1_4229-1-1920x1278.jpg)