E derame na Trinidad algun luna pasa tabata tin su efecto pa Aruba. Rampenbureau tin tur cos di e daño traha y documenta, prepara pa asina entreg’e na e instancianan diplomatico cu ta Gobierno, den e caso aki, pa sigui su caminda. Rino Hermans di Rampenbureau a splica cu nan tin un bista parcial di kico ta e gastonan. No tin cu lubida cu a cera Parke Arikok pa motibonan di salud pa proteha hende. E gastonan ta drentando. Ta trahando e verslag y process verbaal ultimo y di esey ta bay cana su camindanan oficial y camindanan diplomatico pa cumpli cu e perdida cu Aruba a hiba den e derame di PetroTrin na April/Mei, caminda cu costa norte a sufri daño. Danki dios cu ta Costa norte y no ta costa sur, caminda nos turistanan ta frecuenta. E oilspil aki tin atencion di Rampenbureau. E biaha aki no tin garantia cu ta costa nort so lo bira victima, pa asina ta net dilanti pone boom. Ultimo biaha a uza Repsol pa trece boom na Aruba, pa proteha nos costa sur y nos beachnan.
Compania na Trinidad
Segun Hermans, esaki a sosode den un otro bahia. Ta cauteloso pa menciona e bahia, pasobra e fuente di unda e lekage a bin, den concepto di Hermans te cu ayera tardi, ainda Trinidad mes no tabata sa di unda esaki tabata. Pesey nan no por raporta tampoco cerca Rampattack cuanto bari a bay perdi. Ta den un prome fase cu ta hopi dudoso kico ta e informacion concreto.
E costo
Garantisa, tur inzet, e costonan primario, cu ta materialnan, e hendenan cu a uza, e uurloonnan, tin den e caso aki Parke Nacional Arikok, tambe a cera pa tres siman, cu a perde entrada y tin e costonan secundario, cu mester a huur in hendenan pa haci trabao, pasobra Aruba a sigui draai. Te cu awor aki e ta pasa mey miyon ultimo biaha.
Documenta
Tur esaki ta wordo documenta y manda corte. Ta haci loke ta parti di Aruba y ta presente na gobierno. Gobierno den su parti tambe, cu ta forma parti di Reino, tambe tin cu present’e den Reino. Apesar cu Hulanda a duna su palabra ultimo biaha cu e lo sostene Aruba, Boneiro y Corsou den e caso aki cu Trinidad. Tin relacionnan diplomatico cu tin den Reino cu Trinidad. Rampenbureau ta haci e parti tecnico y e parti diplomatico y gubernamental, ta keda den man di Gobierno di Aruba y Reino. Asina cu ta asina leu, ta entrega e proces verbaal y rapport.
Duracion
Tin te cu fin di November pa loke ta Rampattack. Rampattack tambe ta wardando mas dato di laboratorionan pa confirma. Conociendo e pasado di oilspil, Aruba ta pa prome biaha ta bay haci un claim. Esakinan ta casonan cu ta dura basta largo. Pero e prome fase, cual ta e proces verbaal y e parti tecnico, Rampenbureau ta tira pa caba cun’e pa fin di November y sosteni door di Rampattack. Esey ta deseo di tur dos instancia, pa fin di November pa keda cla cu PetroTrin oilspil di Mei.
