Diabierna, dia 30 di juli proximo, lo bay tin sorteo di un tremendo rifa organisa pa Friends of Lions Club.
Pa solamente cinco florin bo por haya bo tin chens pa gana bo estadia na Playa Linda, cu e fecha di reservacion di bo escogencia. Inclui den e pakete tin un caha di Balashi Chill, dos boter di biña, un caha di 12 boter di Tropical Softdrink, tambe 12 boter di coca cola, un pakete di 12 boter di awa, tambe un paki di Fuse Tea y dos paki di chips extra large.
Tambe tin agrega como premio sunblock, poolfloat, pa asina drecha e fin di siman hopi mas.
Friends of Lions tambe kier yuda Aruba Lions Club. Un y tur ta invita pa pasa den Engelandstraat net dilanti di e sede di Aruba Lions Club y cu cinco florin bo por haya bo ticket.
Pa otro siman diabierna, dia 30 di juli, pa 6:30 pm, lo tin e sorteo di e rifa y bo lo haya sa si bo ta e feliz ganado di e tremendo pakete aki.
Bo ta haya bo Weekend-Stay, bo coy bebe, bo chips, float, sunblock y tambe ta agrega un voucher pa pizza tambe den e pakete. Ta un pakete completo pa e ganado pa solamente cinco florin.
Friends of LIons kier yuda Aruba Lions Club y tur fondo cu drenta Aruba Lions Club ta bay bek den nos comunidad.
Si en caso bo no logra pasa awe busca bo ticket, por pasa mañan, diasabra fo’i 4:30 pm te ora cu solo baha cu bo cinco florin pa bo ta den wega.
