Aruba Futura Foundation ta bay lansa e di dos edicion di IMMERSE durante ful e luna di october 2021. IMMERSE 2021 lo enfoca riba stimulacion di conocemento y fomenta e capacidad di innovacion di e comunidad Arubano den diferente industria. Un serie di evento colaborativo pa tur edad na unda lo ilustra idea transformacional cu lo por haci impacto pa Aruba y mundo henter.
Durante ful e luna lo tin varios iniciativa cu lo tuma lug pa diferente grupo di edad, cuminsando cu Innovation Camp diseña pa mucha entre 8 – 12 aña. Tambe lo tin e re-lansamento di Supernova cu lo brinda un workshop cu e meta pa curasha mucha y hende muhe pa crece y stimula nan habilidad pa por prepara nan pa ta e siguiente generacion di innovado.
E luna lo culmina cu IMMERSE: Innovation Week 2021 entre october 25 te cu 29 unda cu Futura y diferente organisacion rond di Aruba lo host algun evento caminda por crea oportunidad cu stakeholders y partners cu entre otro workshops riba topico relata cu innovacion, desaroyo sostenibel, eGovernment, Igualidad di Genero, economia circular, cambio di clima, 21st Century Skills, Entrepreneurship, y Creatividad.
Tambe IMMERSE 2021 lo jump-start un inciativa nobo: ‘Re-Tech’. ‘Re-Tech’: Un iniciativa di Futura cu a cuminsa na aña 2019, y aw re-desiña conhuntamento cu ayudo di studiante Arubiano di EPI, lo orece e oportunidad pa cualkier organisacion of cualkier persona hacu donacion di aparato cu kisas no ta traha, of cu no ta den uzo mas. Lo prepara aparatonan aki, entre otro: tablets, computers, screens, mouses, keyboards, y lo uza y distribui na scol of organisacion pa duna les of proyecto educativo pa asina ekipa mas studiante cu e oportunidad pa enrikece nan conocemento cu tecnologia. Idealmente Futura kier yega na un cantidad di aparato pa asina studiantenan den nececidad of cu kisas no tin manera aworaki pa conecta y volg les online, tambe por haya acceso na esakinan.
Innovacion ta importante pa crecemento economico y prosperidad di un pais, pa es motibo a organisa IMMERSE pa conscientisa e communidad, pa yuda stimula innovacion y creatividad. IMMERSE 2021 ta pa celebra innovacion, creatividady desaroyo sostenibel. Pa e motibo aki Futura ta curasha e communidad pa atende e eventonan aki cu lo ta habri pa pueblo henter. E eventonan aki lo tuma luga rond di nos Isla, y dentro di poco lo por wak e lista completo di eventonan riba e website www.immersearuba.org.
Futura ta invita tur compania, organisacion y/of innovado pa forma parti di IMMERSE 2021 y hunto crea un Aruba cu ta cla pa enfrenta cualkier reto.
