Un hoben den celebracion hunto cu su ekipo di futbol, a sufri un lesion serio, pa cual mester a transport’e pa hospital pa tratamento medico. Esaki a sosode diadomingo.
Tabata diadomingo despues di merdia cu SV Britannia tabata den nan parada di celebracion. Un parada cu no solamente a pasa den Piedra Plat pero den henter bisindario. Di e forma aki ta mustra na pueblo e hobennan cu ta forma parti di e organisacion deportivo aki cu a bay cu diferente titulo den diferente categoria di futbol di Aruba.
Un di e hobennan participante a bay stap for di un trailer pa bay haci uzo di baño pero no a calcula e distancia bon.
El a cay y a sufri un kap serio na su cabes. Mesora a pidi presencia di ambulance, cu a yega hopi rapido y transporte mesora pa hospital. Su estado di salud no ta conoci.
