Recientemente Fundacion Snoop Doggy a bishita diferente scol basico rond di nos isla. Entre otro, a pasa na Maria Goretti College, St. Franciscus College y Mon Plaisir School.
Fundacion Snoop Doggy a ricibi un caluroso bon bini na e scolnan basico aki. Tabatin varios decoracion di blaas, e muchanan a canta bunita den coro y na Maria Goretti algun di e muchanan di 3de klas a asta pinta nan mascota y con nan ta cuida esaki na e miho manera.
![](https://24ora.com/wp-content/uploads/2023/10/image2.png)
Durante e bishita na e scolnan basico, a entrega e buki “Snoop Doggy vindt een huisje / Snoop Doggy ta haya un cas” na tur e muchanan di 3de klas. E buki ‘’’Snoop Doggy vindt een huisje / Snoop Doggy ta haya un cas’’ lo siña muchanan mas aserca di con pa cuida di nan mascota. E buki ta skribi den Papiamento y Hulandes. Den e buki e muchanan lo bay riba un aventura hunto cu e cacho cu yama Snoop Doggy. Den e buki, Snoop Doggy ta wordo adopta door di un famia cu ta dun’e hopi amor y cariño. Tambe nan ta cuida Snoop Doggy mas mihor posibel pa e no haya carpata, pa e no core bai riba caya y pa e ta protegi durante fin di aña ora tin hopi tiramento di klapchi.
E buki “Snoop Doggy vindt een huisje / Snoop Doggy ta haya un cas” ta obtenibel gratis den e siman di 2 october te cu 8 october 2023 na e siguiente localidadnan : Contreras Veterinary Services, Animal Care Clinic Aruba, Veterinary Clinic Aruba (Noord & Wayaca), VSH Veterinary Specialty Hospital Aruba, Animal Health Veterinary Hospital Aruba, Bestial Pet House, Just 4 Pet, Shrek’s Pet Service, Canashito Farm Supply N.V., Birds N Fishes y Biblioteca Nacional Aruba.
Fundacion Snoop Doggy kier a gradici tur e scolnan y maestronan pa e tempo cu nan a permiti di hasi e entregamento di e buki. Tambe Fundacion Snoop Doggy kier a gradici e sponsors cu a hasi tur esaki posibel: Aruba Bank N.V., Bureau di Minister Ursell Arends, ASTEC, Martijn Trading Aruba, Matthews Beachside Restaurant, Santos, Dog Hotel Aruba, Bestial, Contreras Veterinary Clinic & The Sticker Lady.
Si tin cualkier pregunta por tuma contacto cu Fundacion Snoop Doggy na [email protected] of 568 6030. Por sigui nos riba rednan social pa haya mas informacion.
![](https://24ora.com/wp-content/uploads/2023/10/image7.png)
![](https://24ora.com/wp-content/uploads/2023/10/image2.png)
![](https://24ora.com/wp-content/uploads/2023/10/image-963x1440.png)
![](https://24ora.com/wp-content/uploads/2023/10/image6-1920x1397.png)
![](https://24ora.com/wp-content/uploads/2023/10/image4-1080x1440.png)
![](https://24ora.com/wp-content/uploads/2023/10/image3.png)
![](https://24ora.com/wp-content/uploads/2023/10/image1.png)