Diaranson tabata un dia bunita pa e bario di Savaneta, ya cu un di su casnan emblematico, den e caso aki Savaneta 64, a haya e facelift cu e tabatin mester.
Presidente di Fundacion Savaneta Prome Capital, Norman Thijsen, a comenta cu esaki ta un parti di e vision di e Fundacion, unda cu a bin cu un idea pa verf cas, embeyece cas. Ta trata di e casnan cu ta 90 aña bay ariba. Thijsen a comenta cu nan a bay haci 10 cas cu ta casi 100 aña bieu.
E parti tradicional di e casnan di antaño kier preserva nan. Nan ta yuda e hendenan cu ta biba den e cas, unda cu tin biaha no tin e poder financiero pa drecha esaki, danki na varios patrocinado comercial, e fundacion ta haci esaki posibel.
Thijsen ta conta cu esaki ta parti di e vision turistico pa Savaneta. Ora cu tin 10 of 15 di e casnan aki geverf cant’i caminda, ora cu e turistanan pasa wak, e ta bira un tour di Savaneta entre otro.
Kier mustra kico Savaneta por ofrece na turismo y esaki ta e parti importante. Ta ofrece e balornan cultural di Savaneta pa turismo.
Pa mas detaye lesa TREMPAN.
