Fundacion Mi Voz ta Bo Voz ta lucha pa logra nan meta. Y e biaha aki nan a agrega un actividad pa reinforsa e Back to School pa yega nan meta di yuda na 500 mucha.
Lisette Gomes, di Fundacion Mi Voz Ta Bo Voz a indica cu den mas o menos tres (3) dia nana a haya registracion di 500 mucha y ainda nan ta sigui ricibi yamada di mayornan preocupa pasobra cu nan no por duna nan yiunan lo necesario pa e aña escolar nobo.
Esaki ta motibo cu e fundacion a bin cu Adopt A Child pa mas o menos 150 florin. Nan sa cu Aruba ta den fase di recuperacion, nan ta sincero cu nan mes cu cos no ta bon. Pa recauda fondo nan ta organisa un bingo, pa cual nan ta gradici BINGO ARUBA cu ta nan sponsor principal. E bingo lo tuma luga diasabra 31 di juli, pa 7:00 pm, transmiti pa Diario TV Aruba, Bo Guia FM y tambe riba youtube page di Bingo Aruba.
Gomes a sigui bisa cu esun cu no por afford 150 florin, kisas lo por contribui door di cumpra un bingo, na balor di dies (10) florin y gana premionan atractivo. Lo bay tin diferente puntonan di benta den varios districto di Aruba. Cualkier compania cu kier yuda e fundacion pa ta un punto di benta, ta mas cu bon bini por comunica cu e fundacion 562-9820. Pero e persona cu kier Adopt a Child, pa 150 florin por adopta un mucha pa e por bay scol bek, tambe por tuma contacto cu e fundacion na e number di telefon menciona ariba.
Pa mas informacion abona riba www.trempan.com
