Un momento grandi pa Fun Miles awor cu nan a start na Ling & Sons Food Market. Entrante diasabra bo por uza bo tarheta di Fun Miles, spaar bo puntonan y recompensa bo mes na Ling & Sons Food Market. Den e proximo simannan, tur cliente di Ling & Sons Food Market cu no tin nan tarheta di Fun Miles por haya esaki gratis.
Ta hopi importante na momento bo haya bo tarheta pa registra esaki online of via di e app, pa asina bo por uza e puntonan cu bo spaar. Hopi hende na Aruba tin puntonan di Fun Miles caba cu bo ta spaar na otro partnernan, y awor bo por cumpra productonan cu e mesun puntonan aki na Ling & Sons Food Market.
Esaki sigur ta un momento hopi importante pa Ling & Sons, Fun Miles pero sigur p’e clientenan. Pasobra entrante awe nan por haya mas beneficio ainda no solamente pa medio di shop na Ling & Sons Food Market pero tambe na otro partnernan y colecta nan punto pa recompensa nan mes na Ling & Sons tambe.
“Esaki ta dimes algo cu mi ta sigur e clientenan ta hopi contento cu ne,” Marlenne Maduro, Group Marketing Director na Ling & Sons Food Market a bisa.
Lo tin diferente sorpresa y premionan te cu dia 11 di februari. Tur dia lo saca un ganado di 10 mil Fun Miles, y na final tambe lo tin un premio grandi. Esaki ta e ‘One Minute Shopping Spree.’ Ademas di esey tin hopi otro sorpresa na caminda. Si acaso bo no ta registra ainda, pasa libremente Ling & Sons Food Market y registra.
E clientenan existente cu tin e VIP card di Ling & Sons por bin Ling & Sons Food Market y switch p’e carchi di Fun Miles. Dus e tarheta di Fun Miles ta gratis p’e miembronan di VIP te cu dia 14 di februari.
PROME 100 PERSONA LO HAYA PREMIO
Fun Miles Aruba ta hopi contento cu awor nan tin un supermercado cu por brinda tambe na nan miembronan cu por ta diariamente ta haci nan compras eynan.
“Awor nos miembronan tin mas oportunidad pa bay cierto camindanan y uza nan punto, y tambe spaar,” segun Mirla Passchier, Area Manager Fun Miles Aruba.
Pa cuminsa cu nan tremendo campaña e dianan y simannan binidero, entrante awo mes e prome 100 persona cu bin Ling & Sons y uza nan tarheta di Fun Miles lo haya 500 Fun Miles. Y manera menciona, diariamente lo rifa 10 mil Fun Miles te cu 11 di februari, y diasabra bo tin chens pa gana bo ‘One Minute Shopping Spree.’
Asina ta, keda pendiente tambe rib’e rednan social di Fun Miles Aruba y Ling & Sons Food Market pa ta na altura di tur sorpresa, premio y hopi mas cu lo tin pa e clientenan disfruta di dje.
