Alexandra van Huffelen, Secretario di Estado, a bishita Parlamento di Aruba pa cera conoci cu e parlamentarionan. Na mes momento el a scucha nan y no a keda hopi largo eynan.
Lider di fraccion MAS, drs. Marisol Lopez-Tromp, a expresa cu e reunion tabata bishita di cortesia. E tabata uno hopi cortico pa bay discuti y pa tur hende bay discuti, pa por a bay den un dialogo cu ne. E ta spera cu esaki no ta ultimo bes cu e ta bin Parlamento di Aruba.
Parlamento tin un rol hopi grandi den tratamento di ley cu ta bay bin y hasta tin oportunidad pa tin bijzonder gedelegeerden (delegado special) pa trata esaki tambe ora di haci esey na Hulanda den Tweede Kamer. Tambe Aruba por participa den esey si acaso parlamento scoge su delegadonan special p’esaki cu por bin cu mocion of amienda.
Pa mas lesa TREMPAN.COM.
