Hopi biaha nos ta tuma decision riba nos mes sin consulta cu Dios ni tampoco spera riba dje, hende cada dia kier ta mas independiente di Dios cu ta posibel, pasobra ta parce manera ta nan mes ta Dios y nan mes tin tur decision den nan man.
Pero tin un peligro ora hende ta actua asina, y ta actua manera un mashin sin control, cu solamente ta wak pa e funciona bon y ta suficiente. Pero serca hende e cos ta diferente, importante ta pa nos funciona pero tambe funciona eficiente, esey ta nifica na bienestar di nos mes y di otronan.
Beibel a conta nos di e historia di Sara y Abraham, Dios a primiti Abraham un yiu, pero tempo a pasa y nan dos a bira grandi, a pasa mas cu 10 aña y Sara a cuminsa duda, y e a dicidi di bay yuda Dios. E a permiti su casa drumi cu Hagar e cria pa asina Abraham tin un yiu, pero e a lubida cu Dios su promesa ta cu e yiu lo bini for di Abraham cu Sara y no for di Abraham cu HAGAR.
Asina ta ora Hagar a duna luz e a cuminsa exigi tur cos como derechi como e ta mama, y su yiu ta e yiu heredero di Abraham. Pero Dios su palabra no ta cambia, Dios a duna Abraham un yiu cu Sara cu yama Isaac.Y nos tur sa con e historia a termina, Hagar a wordo saca for di cas y for di Famia, y esaki ta e gran problema den Medio Oriente te awe, pasobra ta un pleito familiar cu ta Dios so por trece paz den dje.
Ora Dios primitibo algo, bo tin di warda riba Dios, no bay corre Djoin cu ningun hende pa forsa e palabra di Dios, cumpli den bo tempo y no den Dios su tempo, pasobra lo bo pasa hopi dolor di cabes y berguensa, pasobra bo a forsa algo, cu no tabata den e tempu di Dios. Tin hopi consehero cu ta duna conseho oportunista, cu no ta basa riba e palabra di Dios.
Y tin hasta hende ta bira profeta Falso pa complace hende, y asina keda bon mira cu hende y malo dilanti di Dios. Tur acuerdo forsa ta haci bo mes personalmente responsabel, pa e resultado. Pasobra Dios ta sostene su promesa, y su palabra, pero ora nos forsa algo ta nos mes tin di carga e responsabilidat. Y ni maske bo pasa bo resposabilidad na otro e no ta funciona serca Dios. Sara a pasa su responsablidad pa Hagar pero e no a resulta pasobra esey no tabata e convenio cu Dios a haci cu Abraham y Sara.
Awendia materialismo ta domina mundo y hopi hende ta ciego pa poder, nan no ta tende ni mira basta nan logra locual cu nan kier, y no ta importa ken sufri, of ken muri basta , basta nan logra locual cu nan kier. Y hopi biaha den nan trayectoria di sed nan ta lubida riba Dios.
Tene bon na cuenta actualmente tin 7 pais ta den e produccion di un vacuna y nan ta den Guerra biologico, politico, financiero, y boycott contra otro mientras cu mundo henter ta wardando riba un solucion pa asina e economia, y bida di e ser humano por bolbe na normalidad. Dios tene misericordia pasobra nan tur tin nan propio agenda.
Cuanto hende no ta kibra famia, saca yiu for di cas, , forsa casamento, forsa negoshi, forsa tur tipo di union , basta nan por logra nan deseo, no ta importa ken wordo perhudica, ni tampoco con e asuntu keda basta nan agenda wordo cumpli.
Sara tambe kier a cumpli cu su agenda, y a menosprecia y devalua e promesa y palabra di Dios.
Tin hopi ehempel pa nos wak rond di nos caminda hendenan a pone nan mes pensamento y ideologia dilanti y a sink paisnan multimiyonario, y hiba nan den decadencia, cu lo bay pasa hopi anja prome cu nan recupera.
Awor ora ta trata di nos cas y nos Famia, nos mester ta cauteloso, y tene cuenta cu ta Dios ta manda, laga cada habitante di Aruba, Curacao y henter Reino Hulandes halsa nan bos den nan cas y bisa cu den mi cas ta HESUS CRISTO, TA MANDA, y no laga e keda na palabra so, pero lage bira un hecho den bo curazon, y tambe wordo desmostra cu bo actitud y bo bida.
No por sigi asina cu pa goso di nos wowo, pa amor pa nos barica, pa placa, y deseo di poder nos ta bay contra palabra di Dios, y tuma decision manera hende cu no tin cabes y perhudica nos mes y otro.
Ta dushi ora nos spera riba Señor, y haci su boluntad.
