Evelyn Wever-Croes a efectua su di dos bishita como formador di Gobierno na Gobernador, despues di un ora di reunion cu e tabata tin cu informador. Si ta bon, diabierna el a bisa cu atardi elo a yama prensa pa asina duna un update riba loke ta e desaroyo di formacion di Gobierno.
El a comenta cu diamars el a wordo pidi pa Gobernador pa bin bek despues cu el a bishita diabierna. Tabata tun di e palabracionnan regular pa duna un voortgangsrapportage, pa por splica con ta bayendo cu e negociacionnan y e formacion.
Basicamente a splica gobernador cu nan ta bezig ainda cu e programa di gobernacion y sa cu hopi hende ta pendiente y cu ta tumando hopi tempo. Formador Wever-Croes ta pidi poco pasenshi pasobra nan kier haci’e bon.
Tratando programa di partido, ta trata diferente punto cu tabata tin den programa di campaña y tin cu alineanan. E mester ta sincronisa pa por drenta un Gobierno hunto. No ta riba tur ta yega na un sincronisacion hopi facil. Ta yeg’e. Cada partido ta trece su punto padilanti y ta purba di convence e otro partido di bo punto, pero e ta tuma su tempo. Y no kier pura esaki. Wever-Croes a pensa cu por traha casi 24 ora pa dia, pasobra bo ta cansa. Ta pidi djis un tiki pasenshi, pero ta bay keda cla cune si pronto y pa despues drenta e ultimo fase cu ta esun mes di reparticion di cartera. E ora ta bin e parti di screening pa despues e ora Gobernador tuma un decision, ora cu trece e resultado.
Riba e mesun liña
Den lineanan grandi nan ta mesun cos. Un di e discusionnan cu nan tabata tin riba mesa ta enseñansa unda cu POR a hinca den su programa cu e kier pa bin cu un National Assessment Test, un tipo di test nacional riba tereno di enseñansa y MEP ta puntra kico e ta, pasobra POR kier pa e bin den e programa. No tin problema pa e bin riba programa, pero mester bisa kico e ta, pa no por pone algo cu despues ta resulta cu no lo tabata di acuerdo cun’e. E ora POR ta splica un poco kico e ta, pero pa MEP acept’e, MEP tambe kier bay bek y puntra su hendenan di enseñansa si esaki ta algo cu por biba cun’e. Esaki ta un ehempel chikito cu tur ta di acuerdo cu bo tin cu un test pa hisa e calidad, e pregunta ta si esaki ta e miho test, si esaki ta e unico test. Ora cu e discusion ta bay asina detaya, Wever-Croes a bisa cu ke hubo bin na un consenso cu ta bisa cu ta bin un test, pero no ta bay yam’e na su nomber. Tin biaha bo ta haya cierto di e puntonan aki cu e partido ta bisa cu e kier wak e palabra ey den e programa. Esey ta loke ta tumando tempo. No ta loke cu kier un test, of no kier drecha enseñansa, sino con ta yam’e y te ki nivel di detaye ta bay den bo programa.
Awor aki ta trahando riba e puntonan aki pa por caba di clear’e up y pa por presenta e ora un programa di Gobernacion.
Asina tin hopi mas tipo di diferencianan chikito cu no ta mas tanto con e vision di algo ta, sino con bo ta bay pone cu tanto palabra. Ta cosnan cu no ta un problema, pero ta importante cu e partido kier wak un palabra den e programa y e ora tur hende mester sa kico e ta prome cu pone den e programa. Eseynan ta e pida cosnan cu eigenlijk ta tene e grupo bezig. A yega na un palabracion cu lo bay na un otro nivel menos detaya pa no haya cu tur e discusionnan riba detaye.
