E cantidad grandi di awa riba caya dialuna merdia pa atardi, den area di Avenida Orlando Nelson Oduber, no tabata completamente di e yobida di diadomingo ultimo. Ta un tubo kibra a causa e situacion aki.
Dialuna merdia algo prome cu 3or varios automobilista a bati alarma pa awa cu tabata sali manera for di un fontein. Yegando na e sitio, a constata cu personal di WEB tabata trahando caba riba e infrastructura.
Mester a desconecta e fluho di awa pa drecha e pieza di plastic, cu ta conecta e tubo cu e demas meternan di awa na e edificio aki cu ta keda un poco prome cu Palm Beach Plaza.
Personal di WEB a traha hopi rapido riba solucion di esaki y esnan di e compleho di e edificio no a sinti e efecto pa mucho largo.
Con e pieza a kibra no ta conoci, pero probablemente e tin di haber cu e cayente cu a daña e material.
