Fiesta di Cunucu na Cas Tan Tin te tres’or atardi

Awe diadomingo Stichting Monumentenfonds tin un evento cultural grandi tumando luga na Cas Tan Tin cu ta keda na Pos Abou 19. E ta un cas di cunucu original.
Hustamente riba awe diadomingo Cas di Tan Tin a haya su seyo oficial di Monumento y cual ceremonia a tuma luga durante e di seis celebracion di Fiesta di Cunucu.

Fiesta di Cunucu ta un evento completamente cultural. Den e evento aki e bishitante ta experencia bailenan folklorico, por scucha musica tipico pero por haya un bista cerca di Cas Tan Tin cu tin su mueblenan original y tin piesanan di Fundacion Museo Arubano. E bishitante ta haya un idea con e casnan di antes tabata, segun Mirna Navas. Inclusive, por bisti trahenan tipico mientras cu ta di bishita eynan.i

Pueblo di Aruba ta ser invita pa yega na Cas di Tan Tin cu awe diadomingo ta habri te cu 3’or di atardi. Por staciona auto banda di Eagle Bowling y subi e shuttle bus cu ta hiba tur hende na Cas Tan Tin y celebra e Fiesta di Cunucu.
E cas lo por keda habri den futuro cu durante aña tanto local como turistanan por bishita esaki. Pero esey ta bay cay bou di encarga di e fundacion Mi Cutisa.