Bo a yega di tende di e contribucion importante di e fundacion FCVR na nos comunidad? Bo ta puntra bo mes, di kico mi ta papiando?
E antiguo Fundacion pa Hende Muhe den Dificultad, a transforma su mes, a cambia su marca y a amplia su ara di actividad. De e spirito di e evolucion di tempo, el a cambia su nomber na 2021 pa Fundacion Contra Violencia Relacional.
E fundacion ta ricibi un subsidio chikito for di gobierno basa riba su rendimento y e cantidad di persona cu e ta apoya, e cantidad di actividad organisa, pero e ta depende tambe riba recaudamento di fondo den comunidad.
Fiel na su filosofia empresarial, Salamander Group ta recauda fondo durante henter aña y ta entrega donacionnan na un grupo selecta di organisacionnan caritativo local. E compania ta maneha cuater tienda di regalo, souvenier, moda y accesorio prestigioso na Palm Beach y Alhambra. Y el a compromete su mes na haci un donacion di un porcentahe di e benta den su tiendanan, pa apoya e organisacionnan caritativo, den cuadro di e programa Tikkun Olam, Repair of the World program, introduci pa prome biaha na 2007.
Den reconocimento n’e labor importante realisa pa FCVR, e fundacion anualmente ta ricibi un donacion di Salamander Group for di comienso di e programa.
Tempo cu a crea e fundacion na 1995, su sede tabata ubica den un edificio chikito cu tabata ofrece refugio temporal den cuater camber na hende muhe y mucha den situacion di crisis. E fundacion a propone tambe pa mehora e situacion general di e hende muhe rib’e isla, dicidido na combati violencia den famia.
E iniciativa modesto aki a crece durante e añanan y awe e fundacion tin un plan strategico di cinco punto, den cual e ta ofrece apoyo residencial den un edificio nobo cu suficiente espacio pa 16 famia. Tambe e ta ofrece apoyo no residencial na e personanan cu ta acudi en busca di conseho y consulta. E ta opera un Centro di Experiencia y Recurso pa forma y educa e partinan interesa, hiba campañanan di defensa y sensibilisacion y duna asistencia n’e sobrevivientenan.
Director interino Giovanni Bermudez y psicologo Cinthia Quant, a confesa di tin hopi trabou y cu nan un falta cronico di personal den e fundacion. Sinembargo, nan ta orguyoso di nan logronan y a informa cu nan ta saca lo maximo di e recursonan te cu el a bira manera un di dos naturalesa pa nan. Nan ta situa n’e mesun adres pero cu miho luga di acogo financia pa Hulanda.
Cinthia, cu a gradua na 2018, a traha cu sobrevivientenan di violencia di genero cono coordinado di respuesta y prevencion di violencia di genero na HIAS, durante cuater aña. Despues el a bay bek scol pa haal su masters y a uni su mes na e ekipo di FCVR como gerente di programacion, tres luna pasa.
E director interino, Giovanni Bermúdez, ta den e fundacion pa hopi tempo kaba. Recientemente el a termina di ahusta y simplifica e plan strategico extenso y ta preparando e fundacion pa ricibi un director permanente.
E ta mira e rol di e fundacion dor di un briyo holistico, determina pa avansa riba e cinco puntonan na mes momento, dunando un refugio den cual e famianan sobreviviente por prospera, mientras e ta educa nan pa cambia nan comportacion y tuma e rienda di nan bida, tanto den casonan di residentenan como di pasaheronan.
E ta orguyoso di e cursonan cu ta wordo duna na polis local y e organisacionnan civico cu ta explora e causa di violencia relaciona den su diferente aspectonan mental, emocional y psicologico. E ta ocupa cu organisa actividadnan pa recauda fondo y e kier pa e nomber di FCVR y su mision importante tin un reconocemento mas inmediato.
Finalmente, e relacion di largo plazo cu e sobrevivientenan, e coleccion di dato, ta importante pa aplica medidanan legal cu ta proteha e victima y responsabilisa e agresornan.
Tanto Cinthia como Giovanni ta papia di e cambionan cultural necesario, den cual e normanan y e comportacionnan no ta apoya violencia relacional den nos comunidad, den cual cualkier forma di violencia relacional, abuso fisico, emocional of psicologico, ta wordo considera un problema serio cu ta afecta nos tur.
