Durante un entrevista cu Marushka Rafini, kende ta funcionario di staff na FCCA, y el a conta riba e historia di FCCA cu a cuminsa originalmente como “”beheerder” di casnan, y durante transcurso di e añanan a conoce desaroyo cu innovacion riba diferente area.
Pero semper manteniendo e base principal di e mision di FCCA cu ta e contacto di cerca cu cliente. Pero tambe den pasonan di innovacion cu e fundacion ta desea pa e barionan. E idea ta pa haci esakinan mas atractivo y cu e habitante ta sinti su mes satisfecho y sigur den su residencia.
Rafini a acentua cu semper por bishita e oficina principal di FCCA situa na Sabana Blanco 66 di 7.30 di mainta pa 4’or di atardi, si ta desea di cumpra, huur of traha un cas.
Pa clientenan pariba di brug tin un sucursal situa na San Nicolas ofreciendo su servicio na comunidad.
Jessica van Montfoort -Posner kende ta funcionario di Mercadeo y Comunicacion na FCCA den su punto di bista ta mira cu FCCA ta aspira pa yuda comunidad pa logra yega na un hogar. Ta importante pa ofrece e servicio den un ambiente sano promoviendo famia, ta trahando duro pa e infrastructura ta adecuado.
E funcionario a reflexiona cu den 45 aña e fundacion a yuda hopi famia, a calcula durante e añanan aproximadamente 20.200 famia. Ta dedica pa sigui yuda tur hende yega na nan propio cas.
Pa e celebracion di FCCA su aniversario lo bin un promocion special di aniversario, lo organisa un “wega di memoria” cu tin oportunidad pa gana un gift-certificate balora na 200 floin, durante aña lo tin mas campaña.
Pa mas informacion por bishita e fundacion su website: www.fcca.com bishita e pagina: Participa y gana, igualmente por keda bon informa di FCCA su campañanan cu lo organisa durante aña.
