Tabata alrededor di 11:30 pm ora cu polis a duna un auto marca Nissan modelo Skyline señal pa para, pero sin resultado. Tabata den e area di Bloemond na Paradera, e chauffeur a haya ta bon di no sigui ley y toch ta riba caya despues di 10:00 pm. E hecho cu e tabata viola e ley di toque de queda no tabata sufiente, ora el a mira luz blauw, ta parce cu e señal ey tabata sinonimo na “go.”
El e trot bay y purba huy pa polis. Estilo fast and furious el a core den henter Paradera y Bloemond, pero na Tamarijn el a drenta un cura di cas y purba core na pia y huy. Sinembargo, tabatin sufiente polis pa mand’e suela mesora. E tabata compaña cu un pasahero, a detene ambos. Na warda e proceso di multa lo tuma luga, na final polis a confisca e vehiculo.
