E situacion di problema social ta continua y na Madiki Kavel 105 ta biba Marisela Orman, kende mester di yudansa pa motibo cu e no por traha debi di ta den rolstoel. E ta biba riba onderstand y esey ta haci cu si e cumpra co’i come, e no tin placa pa paga awa y coriente of si e paga utilidad e no tin pa come.
Señora Orman ta biba cu su yiu y nieta, kende ta cuid’e, pero no por haci hopi debi na salud. Orman ta pidi yudansa di comunidad, pasobra su situacion no ta facil. El a splica na momento di paga un debe, e ta keda falta pa otro. E yudansa cu e ta pidi p’e ta un poco coriente y fundacionnan of pueblo cu por yud’e cu cuminda.
Pa loke ta trata su salud e ta pidi Minister Dangui Oduber yudansa, pasobra e rolstoel ta di coriente y esun cu e tin ta dun’e hopi problema. El a indica cu e ta un persona cu no sa pidi yudansa di comunidad, pero door di e situacion aki e ta haci esey. E ta haya bijstand di handicap y pagando awa, huur di cas y areglonan di pago, e suma ricibi no ta yuda. Su yiu y nieta ta depende di e bijstand di señora Orman, pero e tambe ta bezig cu procesonan pa haya bijstand.
E ta haya yudansa di famia, pero den e crisis aki esey ta dificil. E sa haya yudansa di minister, parlamentario y musiconan, pero pa awo cosnan ta dificil. Tin dia e no ta desayuna, pero ta bebe te. E ta un persona cu no gusta pidi yudansa, pero door di su situacion actual Orman ta pidi comunidad pa un yudansa.
