Dialuna un famia di Sabana Basora a pasa den un susto, ora cu nan cas a coy candela.
Señora di cas, Patricia Pak, dialuna a sali un rato pa bay haci algun respondi c’un conoci di dje. Un rato despues e ta haya yamada cu su cas ta na candela.
Un rato despues di a yega su cas bek, el a wak con candela tabata caba c’un camber di su cas. Nan a perde mayoria cas, cual ta cama di dje y di su dos yiunan. Nan a perde cashi, cu e pañanan aden, algun papel di suma importancia.
Motibo di e candela nan no ta sigur, pero Pak ta kere cu door cu e fan chikito di su yiu, cu tabata pega na e stopcontact, a coy kortsluiting.
FCCA
Na prome instante, señora di FCCA a informa e famia cu nan mester bay busca un luga di keda, pero door cu e no ta hende cu tin amistad, nan no tin luga di keda. El a dicidi di laba e camber, hunto cu su bisiñanan, y asina nan a drumi den nan cas, abou den sala.
Pero Jeanine di FCCA a yam’e bek pa inform’e cu nan a haya un luga pa e keda, na e cas na banda. Pero pa e bay den e cas, e lo mester di tin algun articulo, manera cortina, pa e por pone den e cas. Unico cos cu e tin mester te ainda ta un frishider cu cortina pa asina e por pasa algun dia den cas cu FCCA a otorg’e pa e pasa algun dia tur es tempo cu FCCA ta haci e reparacionnan necesario na e cas pa asina Patricia Pak y su yiunan, por bay bek den nan mesun cas.
