Diasabra anochi alrededor di 11:15 pm a sosode un accidente cu basta daño material riba Santa Helenastraat. Ta net dilanti di Xavier University. Ta entre dos auto, un ta marca Toyota modelo Tercel y e otro ta un BYD color shinishi numera A-32028.
E BYD a subi caminda for di Madiki sin duna preferencia na e Tercel cu tabata biniendo for di pariba direccion pabou. Daño material na ambos auto tabata basta. Debi na e impacto fuerte, na prome instante a kere cu ta trata di un accidente mucho mas serio.
E pasahero di e Toyota Tercel a resulta levemente herida. Ambulance a presenta p’asina brind’e atencion medico, mientras cu e patruyanan di polis a cera ambos banda di caminda pa nan por atende libremente cu e accidente aki.
