Diadomingo marduga pa 3:14 am a sosode un accidente den Caya Grandi. Chauffeur di un auto marca Hyundai modelo Santa Fe, color blanco, numera A-66761 a drenta den caya diripiente sin duna preferencia, cu consecuencia cu un otro auto a desvia pa bo dal den dje y a bay dal den un mata.
Investigacion preliminar di polis a conclui cu chauffeur di e Hyundai tabata burachi. El a ocaciona cu un auto marca Honda modelo Fit, color cora,
a perde control y a dal den un mata den Caya Grandi y a hasta ranca un stoel.
Polis a detene chauffeur di e Hyundai Santa Fe pa e duna cuenta di su acto y regla e gastonan cu el a ocaciona.
