Diasabra, pa mas of menos 3:00 pm, a tuma luga un accidente n’e crusada di Van Leeuwenhoestraat y Caya Ing. Roland Lacle, debi na falta di prefencia di parti di un di e chauffeurnan.
E impacto tabata considerabel, lagando ambos vehiculo cu daño significativo n’e parti dilanti. Nngun di e autonan envolvi por a sigui cu nan caminda y tabata necesario pa haci uzo di takelwagen pa kita nan fo’i caminda.
Afortunadamente, aunke tabatin un mucha den un di e vehiculonan, no tabatin herido. Rapid Responder a atende esunnan envolvi den e accidente. A recorda e chauffeurnan e importancia pa pone atencion riba e borchinan di trafico, ya cu e luznan di trafico tin un tempo caba cu no ta den funcion.
